halfawei.ana.halfawei


 
الرئيسيةالبوابةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 قصة سندريلا بالسوداني .....

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
منو
مراقبة عامة
مراقبة عامة
avatar

انثى عدد الرسائل : 121
العمر : 25
الموقع : ((قطر))
المزاج : . ....just a girl wanna have fun^^
تاريخ التسجيل : 28/03/2008

مُساهمةموضوع: قصة سندريلا بالسوداني .....   الأربعاء 09 أبريل 2008, 1:53 pm

بسم الله الرحمن الرحيم

ازيكم يا شباب .. ان شاء الله كلكم كويسين الليلة

ما دايرين زول يمشي عشان تشوفي قصة سندريلا بالسوداني

يلا بإسم الله نبدا القصة
أسماء الشخصيات
الملك : خوجلي
الملكة : بخيتة
سندريلا : فاطنة السمحة
الأمير : عوض

===============================================



في يوم من الأيام كان الملك قاعد مع مرتو بفكرو في مستقبل ولدهم

وقالو انو الولد دا ما حيبقى ملك لحد ما يشوف ليهو ملكة و اتناقشو في الحكاية دي

الأمير جا داخل فجأة و سمعهم بتكلمو في موضوع عرسو

قام قال ليهم انا ما داير اعرس بحب البورة (( لوووووووووووووول ))

قامت الملكة زعلت و قالت ليهو يا ولدي انا عايزة احننك بإيدي و اعمل ليك الجرتك و اسوي كل شي

الولد مصر ما داير يعرس و امو عايزاهو يشوف ليهو وحدة كويسة

الملك وقف على حيلو (( دي معناهو في حاجة غلط هههههههه ))

قال ليهو يا ولدي انت ما حتبقى ملك لو ما عرست

الأمير فضل ساكت ما قدر يتكلم

في الأوكات دي كانت فاطنة السمحة ((سندريلا السودانية )) قاعدة في بيت خالتها

خالتها دي مرة شريرة خلتها شغالة زي الخدامة عندهم

خالتها عندها بتين شينات زيها ( بخيتة ) و (عوضية ) ديل بكرهو فاطنة لانها سمحة

وبخلوها تمشي حفيانة وتلبس المقطع عشان الناس ما يعاينو ليها بنظرة احترام

نرجع تاني للملك و للملكة و الأمير

بعد الملكة روحها طلعت الولد وافق يعرس لكنو قال ما حيفتش بت بت عشان يلقاها

الملك في اللحظة دي اقترح انو يعملو حفلة يلمو فيها نسوان البلد كلها عشان يختار منهم

الأمير طبعا خاتي في راسو انو كل البنات شينات و مافي وحدة بتصلح لوجاهته ((ههههههههههههه))

الخبر انتشر في البلد والناس بدت تتجهز للحفلة الأمير قال اي بت (( أي بت )) تجي للحفلة

بس خالة فاطنة السمحة قالت ليها انتي ما بتقدري تمشي لأنو عندك شغل كتير

ولانو الأمير ما بعاين للخدامات

المرة بدت تجهز في بناتها وتلبسهم السمح و تديهم الريحة

وخلت فاطنة السمحة تقعد تنضف في البيت

لمن مشو الحفلة فاطنة السمحة بدت تبكي لانها ما مشت

وفجأة من العدم ظهرت الجنية عشان تساعدها قالت ليها مالك ما مشيتي .. قالت ليها خالتي ابت لي امشي

الجنية قالت ليها الحفلة دي لأي بت في البلد

فاطنة زعلت اكتر لمن عرفت انو خالتها و بناتها كانو عارفين انو الحفلة لأي بت في البلد

قامت الجنية قالت لييها انا حأساعدك .. و بلمسة سحرية منها لبستها فستان ابيض

وقالت ليها انتي لازم ترجعي قبل الساعة 12 عشان بعدها حترجعي لشكلك الأول

المهم بعدها فاطنة السمحة قدرت تصل الحفلة في وسطها لمن دخلت للحفلة

الناس كلها بدت تعاين ليها محتارين من الجمال دا والشكل دا

في الأثناء دي الأمير كان بفتش في احلى بت في الحفلة وللأسف عيونو اتقطعت شوية من شنات السودانيات ديل

بلمحة بسيطة كدا لقى اختنا فاطنة السمحة لابسة ابيض وعجبتو شديد

مشى يرقص معاها الناس كلها احتارت و بدو يسألو بعض دي منو البت دي

طبعا كلكم بتفكرو خالة فاطنة السمحة و بناتها عملو شنو

خالة فاطنة السمحة عرفت انو دي هي وللأسف فاطنة ما كانت عارفة انو خالتها نقشتها

قامت ادتها عصير فيهو حاجة غلط قالت ليها اديهو للأمير (( الأمير كان ملاحظ انو خالة فاطنة ادتها العصير

بطيبة قلب و بياض نفس ادتها للأمير و بعد شوية وقت الأمير وقع في الواطة

قامت خالة فاطنة كوركت قالت البت دي ساحرة و هي سممت الأمير

فاطنة خافت الناس يفتكرو انها ساحرة و انها سممت الأمير فعلا

قامت جرت من الحفلة و هي في السكة فردت جزمتها وقعت في السلم عند الباب

واحد من الحراس كان صاحب الأمير دسى الفردة عندو

وهي في السكة سمعت صوت الساعة ودا معناهو انو الساعة هسي 12 تماما

فاطنة السمحة اتحولت ورجعت بشكلها القديم وجرت بسرعة وصلت البيت

فستانها اختفى لكن جزمتها لسة قاعدة الفردة الأخيرة

قامت دست الفردة اللي معاها

بعد مدة الأمير اتشفى من المرض و الملكة كانت بتبكي افتكرت انو الأمير مات

الأمير لمن صحى بدا يهلوس البت مشت وين

الملكة قالت ليهو ياتو بت قام قال ليها البت اللي كنت برقص معاها في الحلفة

قالت ليهو الساحرة ديك ما حخليها تخش تاني عشان سممتك

الأمير زعل قال ليها انتي كنتي عيزاني اختار لي وحدة اعرسها

وانا اخترت البت ديك و قال ما حيختار غيرها

الملكة بدت تبكي افتكرت انو العصير اللي شربو عمل ليهو حاجة في راسو

وقالت انا السبب في انك عييت لانو انا العملت الحفلة و انت ما عايزها و اعتزرت ليهو كتير وطلبت منو انو يسامحها

الملك بعد كم اسبوع رجع سليم وهو طالع في السكة عشان يشوف اهله

لقاهو صاحبو الحارس (( اللي شال فردة الجزمة التانية )) قال ليهو

كيفك يا سعادة الأمير

قال ليهو تمام والله يا محمد قال ليهو حمد لله على سلامتك

قال ليهو الله يسلمك

الجديد عندك و كدا شنو

قال ليهو عندي ليك حاجة حترفحك شديد .. انا سمعت انك بتفتش على البت اللي كنت بترقص معاها

الأمير قال ليهو اي انا لسه بحاول افتش عيلها

قال ليهو البت دي و هي طالعة من الحفلة وقعت جزمتها دقيقة اجيبها ليك

الأمير فرح شديد من الكلام اللي قالو ليهو محمد صحبو

بعد شوية محمد جاب ليهو فردة الجزمة الأمير قال ليهو انا ما عارف اشكرك كيف لأنك ساعدتني كتير

الأمير بدى يفتش البلد بيت بيت يكلم اي بت تجي عشان تجرب الجزمة

قال انو البت اللي الجزمة بتجي قدرها بعرسها

في الأثناء دي خالة فاطنة السمحة قالت لبناتها اجهزو الأمير حيجي هنا

بخيتة و اختها عوضية في نفس الوقت قالت لأمها الجزمة دي لو ما جات قدري حأعمل شنو

قالت ليهم ما تخافو الجزمة دي حتطلع قدر وحدة منكم

الملك فتش البلد كلها ما بقى فاضل غير بيت خالة فاطنة السمحة

قام الأمير قال وروني اي بت ساكنة هنا

فاطنة السمحة مدسية بجوا عشان خالتها قالت ليها ما تجي طالعة

للأسف الشديد الخالة كانت عارفة انو البت اللي كانت لابسة ابيض في الحفلة هي فاطنة

الأمير جرب الجزمة في البتين ولا وحدة فيهم الجزمة كانت قدرها

الأمير زعل لانو دا كان اخر بيت وهو ماشي بلمحة خفيفة لاحظ فاطنة السمحة

قام قال للمرة في بت تانية في البيت دا ؟؟

الخالة قالت ليهو لا مافي غير بناتي ديل

الأمير حتار قام قال للحارس خش البيت نادي البت اللي جوه ديك

قام ناداها قال ليها تعالي جربي الجزمة و طبعا زي ما احنا عارفين انو الجزمة حقتها

قامت لبسها و طلعت قدرها تماما لا اكبر لا اصغر

الأمير فرج شديد لانو لقى البت اللي كانت معاهو في الحفلة

الخالة زعلت قالت ليهو مستحيل تكون الشغالاة حقتنا في البت اللي كانت في الحفلة

الأمير ما عرف يسوي شنو

قامت فاطنة قالت للأمير انا اللي كنت في الحفلة

قبل ما الأمير يتكم جات الخالة قالت ليها ونعرف كيف انو انتي اللي كنتي في الحفلة

قامت طلعت من جوة الجزمة التانية و لسبتهم الإتنين

الأمير فرح لانو اكتشف انو فاطنة السمحة هي اللي اللي كانت بترقص معاهو في الحفلة

بعد مدة الأمير جا عقد على فانطة السمحة و عرسها

الملكة زاتها فرحا شديد لانها قدرت تحنن ولدها بيدها في عرسو و عملت ليهو الجرتك

وكدا القصة انتهت

===============================================

طبعا القصة دي كلها ما كان حصلت لو ما الملكة كانت قالت انو هي عايزة تحنن الولد و تعمل ليهو الجرتق

وورونـا رايكم


منقوووووووووووول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الغزال الاسمر
وسام التميز الذهبي
وسام التميز الذهبي
avatar

ذكر عدد الرسائل : 169
العمر : 26
الموقع : ما عارف زاتو ..
المزاج : ما جادي ..
تاريخ التسجيل : 04/03/2008

مُساهمةموضوع: رد: قصة سندريلا بالسوداني .....   الخميس 10 أبريل 2008, 8:25 am

اقتباس :
وورونـا رايكم

حمااااااااااااااااااااااااااااااس ... Very Happy Very Happy

والله قصة روعة .. تستحق النقل فعلا ..

واللي محليها كمان انو منو ناقلاها ..

تسلم يدك يا فردة .. cheers cheers cheers

اتقبلي مروري ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منو
مراقبة عامة
مراقبة عامة
avatar

انثى عدد الرسائل : 121
العمر : 25
الموقع : ((قطر))
المزاج : . ....just a girl wanna have fun^^
تاريخ التسجيل : 28/03/2008

مُساهمةموضوع: رد: قصة سندريلا بالسوداني .....   الخميس 10 أبريل 2008, 9:38 am

Surprised طبعا طيعا
Laughing يسلمووووووو يا فردة
ع المرور المنور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سودانية و أفتخر
نجمة المنتدى
نجمة المنتدى
avatar

انثى عدد الرسائل : 222
العمر : 26
الموقع : السعوودية ( الله يطلعنا منها الليلة قبل بكرة )
المزاج : بتقصد شنو بالمزاج يعني ( ما فهمتها دي )
تاريخ التسجيل : 03/03/2008

مُساهمةموضوع: رد: قصة سندريلا بالسوداني .....   الأحد 13 أبريل 2008, 3:21 am

ههههههههههههههههههههههههههههههههههههههههههههههههههههه والله قصة فظيييييييييييييييييييييييييييييييييييييييييييييييييييييييييييييييييييييييييييييييييييييييييييعة Very Happy Very Happy


بالجد مباااالغة Very Happy

احلى شي الترجمة بلغتنا Laughing Laughing Laughing Laughing

تسلمي يا عسلنا Laughing
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منو
مراقبة عامة
مراقبة عامة
avatar

انثى عدد الرسائل : 121
العمر : 25
الموقع : ((قطر))
المزاج : . ....just a girl wanna have fun^^
تاريخ التسجيل : 28/03/2008

مُساهمةموضوع: رد: قصة سندريلا بالسوداني .....   الأحد 13 أبريل 2008, 2:01 pm

وييييينك ياسودانية وين كل الغيبة دي لكن ما مشتاقين
ويسلمو ع المرور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أحمد
درع التميز
درع التميز
avatar

ذكر عدد الرسائل : 239
العمر : 27
الموقع : في اي زمان في اي مكان
المزاج : زي ما انت انت عايزو
تاريخ التسجيل : 15/02/2008

مُساهمةموضوع: رد: قصة سندريلا بالسوداني .....   الإثنين 14 أبريل 2008, 9:06 am

والله روعة ... مشكووووووور منو ..

ما تنقطعي مننا بس ... وسوري على الرد المتاخر
مفروض رد من قبل ما انزل الموضوع ..


شكـــ شكــ شكـــ شكــ ـــرا ــــــرا ــــرا ـــــــرا

تقبلوا مروري

_________________
&مـــ عاشـــ azs ـــق ـــووووووودي الجعلـ ahs_azs@hotmail.com ــــي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://halfa.ahlamountada.com
منو
مراقبة عامة
مراقبة عامة
avatar

انثى عدد الرسائل : 121
العمر : 25
الموقع : ((قطر))
المزاج : . ....just a girl wanna have fun^^
تاريخ التسجيل : 28/03/2008

مُساهمةموضوع: رد: قصة سندريلا بالسوداني .....   الإثنين 14 أبريل 2008, 1:46 pm

take it easy ياعزيزي Very Happy
ولا يهمك يا فردة يسلمووو ع المرور
ثانكس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصة سندريلا بالسوداني .....
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
halfawei.ana.halfawei :: المنتديات الأدبية :: منتدى القصص والحكايات-
انتقل الى: