halfawei.ana.halfawei


 
الرئيسيةالبوابةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 الغربة وهم وعذاب ... حاجه تافه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أحمد
درع التميز
درع التميز
avatar

ذكر عدد الرسائل : 239
العمر : 27
الموقع : في اي زمان في اي مكان
المزاج : زي ما انت انت عايزو
تاريخ التسجيل : 15/02/2008

مُساهمةموضوع: الغربة وهم وعذاب ... حاجه تافه   الثلاثاء 22 أبريل 2008, 3:15 pm

الغربة وهم وعذاب القربة البعد عن الحب والامان وعن مراسي السودان
البعد عن الناس السمحين الكلهم طيبه وحنية ويا ريت لو غربة تنفع دي غربة في التعوسية (السعودية)


القصيده دي امكن تبك عاشق حبات رمال الوطن ..



وهم الغربه


ياغربه يابكايه- ياغشاشه يامستهبله
تغرينابى درهم قروش- وراهو قنطار بهدله
جيناك نقعد بس سنه - وحاجاتنا ناقصه نكملها
نبنى البيوت فى العاصمه - ونفرش أثاثها نكمله
وكورلا حاره نرسلها - أصلو النقل صار مشكله
ونكمل الدين بى مهل - وسمحه جاهزه نحصلا
عبرالقروش الى للأهل - عبرالشهور حنرسلا
والباقى يدخل فى البنوك - ونشوف دباره نشغلا
ناس فكرت تجنى العلم - وتبدا الدراسه تواصلا
أحلام كتيره وشيقه - وآمال كبيره مدنكله
لكن حساباتنا الغلط - فى كل عام نرحلا
مرت سنين من العمر - بنعزها وبنفضلا
والحسبه وصلت طاشرات - يمكن نعيش ونبدلا
وتعال نحاسبك ياوهم - من غير رقم وأمثله
وكان للقروش نجرى ونحوش - لكين تقول بنشاكلا
ماراضيه تقعد فى الجيوب - وتقول حرامى بنشلا
لكن بترقد فى الضهور - بديون تقيله مطوله
ممحوقه مابتقضى الغرض - وأقل حاجه تكملا
كملانه بطحاء وحق وزن - ومجاملات مستفحله
ضرائب أبعاج المشى - وإلزامى حمدى نحولا
وأحلامنا ديك صبحت سراب - نمشى ونجرى مانحصلا
يارب يكون هم القروش - ياغربه فيك هو المعضله
لكن تعال شوف الهموم - الماإفتكرنا نقابله
ذله ومهانه وإحتقار - خلو النفوس متململه
سجناً كبير فيهو الكفيل - سجان قيود مكبله
أشغال شاقه ومؤلمه - ودايما تكون مستعجله
مرض الضغط والسكرى - ومرض القلب ووجع الكلى
مصران وقرخه وإكتئاب - ونفوسنا مامتحمله
وبقينا فيك كيمان لحم - تحت الهدوم متدلدله
وأكيد حيكون أكل المعلب - وأكل المجمد عامله
عدم الرياضه والكندشن - لابده يكون ليهم صله
وكمان تعال لى معادله - ماقدرنا أصلاً نعدله
سجن العيال جوه الشقق - والأفراق ئله
وصغارنا صبحت بالزهج - متوحشه ومتجفله
لاقادره تدرس بى نفس - من الدروس المذهله
تلقى الولد غالبو الكلام - والبت كبيره مريله
كل الضغوط جاتم سوا - ماقدرنا حتى نقللا
فى كل طرف تلقى القرف - تلقى الخطوط متداخله
ما الفراق أصل الوجع - ومشاكله بايته مقيله
ياغربه أديناك كتير - أدينا خاطركيسهله
آمالنا فيك بدرى إتنست _ إلا الرجوله متوحله
وبقينا زى أهل القبور - لا البره عارف يدخلا
ولا الجوه يرجع لى وراء - يحكى الحقيقه يوصلا
لكن خلاص هان الخلاص - عدك نزل مهما علا
وإنشاء الله نحيا نوعدك - وتكون ذكرى نغازلا

تعريجه
أنا واحد من الناس خلااااااااااص تعبة والسنة دي اخر سنة لي في عذاب البلد دي
نعم اتربيت في خيرات لكن برضوا شفت فيها المر والعذاب

انتو ناوين الرجعه متين

_________________
&مـــ عاشـــ azs ـــق ـــووووووودي الجعلـ ahs_azs@hotmail.com ــــي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://halfa.ahlamountada.com
منو
مراقبة عامة
مراقبة عامة
avatar

انثى عدد الرسائل : 121
العمر : 24
الموقع : ((قطر))
المزاج : . ....just a girl wanna have fun^^
تاريخ التسجيل : 28/03/2008

مُساهمةموضوع: رد: الغربة وهم وعذاب ... حاجه تافه   الثلاثاء 22 أبريل 2008, 6:52 pm

يسلموووووو مودي Very Happy
بالنسبة لي ماعارفة لكن لووو بيدي كان زمان مشيت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سودانية و أفتخر
نجمة المنتدى
نجمة المنتدى
avatar

انثى عدد الرسائل : 222
العمر : 26
الموقع : السعوودية ( الله يطلعنا منها الليلة قبل بكرة )
المزاج : بتقصد شنو بالمزاج يعني ( ما فهمتها دي )
تاريخ التسجيل : 03/03/2008

مُساهمةموضوع: رد: الغربة وهم وعذاب ... حاجه تافه   الثلاثاء 22 أبريل 2008, 9:04 pm

والله يا الجعلي لو علي انا ارجع الليلة قبل بكرة Crying or Very sad

بس خلاص الحمد لله هاااااااااااااااااااااااااااانت Very Happy

و مشكووووووووووووووور عالكلام الرائع دا Laughing
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أحمد
درع التميز
درع التميز
avatar

ذكر عدد الرسائل : 239
العمر : 27
الموقع : في اي زمان في اي مكان
المزاج : زي ما انت انت عايزو
تاريخ التسجيل : 15/02/2008

مُساهمةموضوع: رد: الغربة وهم وعذاب ... حاجه تافه   الثلاثاء 22 أبريل 2008, 9:48 pm

مشكووووور على الكسره بجاي


انا راجع شهر (6) وخربت مستقبلي ماشي اجازف في مدارس السودان
بس افتكه من الهم الهنا ..

لكن ما بنقدر على فراقكم .. اتمنى وانا بعيد اكون التواصل نفس التواصل

ود حلفاااااااااااااااااااااااا السنة دي انا معاك لو قدرت اطلع من معتقل قون تناموا السوداني

_________________
&مـــ عاشـــ azs ـــق ـــووووووودي الجعلـ ahs_azs@hotmail.com ــــي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://halfa.ahlamountada.com
 
الغربة وهم وعذاب ... حاجه تافه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
halfawei.ana.halfawei :: المنتديات الأدبية :: المنتدى الأدبي-
انتقل الى: