عيناك والحسن الخرافي ....

عيناك والحسن الخرافي ....
فيها اسرار الوجود
ممتدة ماب تعرف مرافي...
يا مبتداي ..ومنتهاي
وآخر مطافي....
مناي اضم جسد الغرام
الحضنو دافي ....
واشرب رحيق ....
نهر السعادة...
النبعو صافي...
والدنيا تجمع ريدنا شوق..
يربطنا.. ننساهو التجافي
عيناك للشوق ملتقى ..
صبحت مصب كل القوافي...
ليها بتحج القلوب...
بين مقلتيها...
كتر طوافي....
عينيك قسيس الغرام..
يوماتي بديهو اعترافي....
واذرف دموعي ..
هوي وحنين...
قدامو قبال انصرافي...
عيناك هي المبتغى
ميعاد عمر....
يا ريتني اقدر...
ليهو .. اوافي...