بس مره اســــــــــــــــــــأل

أنت من يوم ما عرفتك أصلوا ما بتعرف تجامل
راجي يوم قلبك أحن ألقى شخصك عني سائل
ما زمان عشناهو ريدك غيرنا ما كنت بتواصل
فجأة أتغير طريقك دا التنكر دربوا سأهل
قبل أرشف رحيقك
الربيع أتلاشى راحل
يا الطبيب كاسيك غرورك
ولي مريضك أنت جاهل
كيف العلاج أشفي العليل
لو كان طبيبو ليهو قاتل
و بي غرامك يأخ هلكنا
و بي سهامك فينا نابل
بي العيون أشعلت نارنا
و بي قوامك فينا طائل
و ابتسامتك شعا نورا
زي برق بي أمطارو هاطل
مرة أرحم للقليب
والجسيم الأضحى ناحل
والأحاسيس الندية
والعقول ألليها سأطل
لما ترجع من عنادك نحن تلقانا المناهل
فيها قصة ريد نبيلة
ثابتة بي كل الدلائل
نحن ما دايما نسامح
نحن ما أهل الشمايل
بس حظوظنا معقدة
زي عيونك لونا كاحل
أنت ما عارف صبرن فات كمل عدا المراحل ؟؟؟
كيف بنصبر مع وضيبك .
ديسا كابي وليلا سأدل.
والصدير طامح أشابي
والكفيل لهلاكنا كافل
والقديم متبور محنن
خطوة خطوة مشيهوا راحل
أنت ساحر في نفورك
أنت يا ظبي الأرايل
أنت يا ألقصرك مسور
متين بترضى تجينا نازل
تضمد الجرح المنوسر
تخلي ظلمك وتبقى عادل
و بي رضاك تشرق شمسنا
و في الغصون تشدو البلابل
نملأها كأسات الفرح
وتسيل بحور من الفضائل
ونحن ننساها الماسي
وأنت تسلم وتبقى فاضل.

...................................................