عدد الرسائل : 121 العمر : 32 الموقع : ((قطر)) المزاج : . ....just a girl wanna have fun^^ تاريخ التسجيل : 28/03/2008
موضوع: التصنيف العالمي لطلاب المدارس؟؟؟ الثلاثاء 20 مايو 2008, 1:09 pm
والله مشتاااااااقين شوق ما يوصف
بما أننا بعالم الطلبه .. ((و اللي طبعا عالم آآآخر )) .. جبت ليكم التصنيف العلمي للطلاب ..
النوع الاول : الدافوري
الدوافير جمع دافور والدافور في اللغه تعني : المرض الرابع
( الداء = المرض ) ( فور = اربعه )
والدافور في اصطلاح علوم المتفلسفين المنتفين تعني ذالك الكائن البشري الذي يتواجد بكثرة في الصفوف الأمامية للفصل بيحاول بي أي طريقه بكل انوا ياخد درجه كامله... بيشيل شنطه دبلوماسيه وعلاماتوا ميه في الميه بيخش الصف وهو جادي وكل دقيقه يكورك ( انا ياستاد )
بيلبس نظارة طبيه و بيشيل لكل مادة دفترين دفتر للحل الصح والتاني للحل الغلط.. عشان لو واحد من الشبااب الي في الصف طلبوا الدفتر يديهوا الي فيهوا الحل الغلط.. عشان كده هو داايما بيدقه خااصه من النااس الي بيكونوا قااعدييين ورره
النوع الثاني : طلاب الصف الوره النوع ده بيقعد اخر صف الي جنب البااب داااااايما بيستحمل الجلد والطرد وكل انواع الانتقام ولكن ماتقول ليهوا تعال قدام أغلب الحصص نايم بيعشق الصف الاخير لدرجة الجنون لدرجة اذار مره قعدوا الاستاد قدام اول مايرن الجرس ريرجع للشله وره وقال تصدقوا اول مره اشوف الاستاد على الطبيعه بيفرح ويتباهى اذا درجتوا صفر بالامتحان ويحس بالذنب اذا اخد درجه عاليه يعني لو تجيه تقوليهو اها كم درجتك يقولك خليها على ربك ياراجل النتيجه ما تشرف
النوع الثالث : الدبابيس
الدبابيس جمع دبوس والدبوس في اللغه : ما يُطعز به وفي اصطلاح الفلسفه المنتفه هو ذالك الطالب الذي يخون الي في الصف خاااصه الي وره فيقول للاستاز عن هروبم وعدم حلم للواجبات ..و.. و.. و الخ
ودااايما بيقعد في النص وبيتلفت كتير..لان اضانوا مصدر رزقوا
مكروه من الجميع حتى بيقولوا ان اخرتوا مقربه مع الجماااعه *ناس الصف الوره* ...
النوع الرابع : الادارة المتحركه
او بمعنى ادق : المصلحجي
وبيسمي بالادارة المتحركه لأنه دايما يتصاحب مع المدرسين ويشيل شنطهم ويكون بينم مرسال يعني ما تلقاه ابن اللذينا الا في الممر يودي اوراق ويجيب اوراق ..اي شمار في الاداره ..فصل .. عقااب أي مصيبه بيكون عارف خبرواا.. و اسي كل واحد فيكم يصنف نفسه ؟.. إلى أي مجموعه ينتمى ؟