عااارفين اداها بوسة ويين !!!!

يا جماعة اكييد كلكم بتعرفو برنامج استار اكاديمي

البحصل في الكاديمية دا شنو يا جماعة ؟؟ و الهدف من كدا شنو ؟؟ لفت النظار و لا الربح المادي و لا شنو بالظبط

ليه كترت قصص الحب و العشق و الغرام ؟؟

و ليه كل الطلاب بقو يعيشو مع بعض زي العيشة الزوجية ( ما بالضبط يعني )
ليه الطلاب بتجاهلو و ادارة الاكاديمية بتجاهلو انو الهدف من البرنامج تخريج فنانين ما تخريج عرسان و علاقات

بالجد الموسم الخامس دا اكتر موسم فيهو اغراء و اثارة و قلة ادب ( يعني الواحد عااادي يجي يهبش للبت شعرها و يقرب منها شدييييدد و يعمل حركات و عاادي كأنو ما حاصل حاجة )

في الموسم كترت قصص الحب و بقينا نشوف ونسمع في اليوميات عن علاقات الحب والخلافات المستمرة بين الطلاب, عدنان طلب الزواج من اسماء, زاهر يحاول معرفة شعور امل بوشوشا من ناحيته لانه مكسر فيها و مدشدش ,,, ضياء جارية ورا سعد , وميرهان بتحلم بمصطفى و مكسرا فيهو

لكن انا الشي الخلاني بالجد اقرف و اتأكد انو الناس ديل ما عندهم اهل : قلة الادب الحصلت في البرايم الاخير

لما اسماء فازت بتصويت الجمهور قام جا عدنان ناطي فيها و اداها بوسة عجييييبة

عااارفين وين ؟؟

اداها بوسة في رقبتها

و ياريت يعني لو اداها ليها وزحا طوالي لكن لأ بوسة قويييية و طوييييييييييييلة

و اتخيلو قداااااااام ملااااااااااايييييييييييييييييييييييييييين من الناس

بالجد قلة ادب

بس انا المحيرني البنات ديل ما عندهم اهل ؟؟

لكن قلة ادب فايتة الحد ولا رايكم شنو ؟؟

يا سودانية الزمن دا خلاص راح فيهوا الادب والحب الصادق والوفاء
كل حد بقول نفسي نفسي والله ولا حتى الاقربين ليك اسع معاك وبكره عليك

وقالوا القروش بتغير النفوس بنات الليله من وين بس اجيبوا القروش وبكل طريقه عايزاها ..

بالجد عالم بقى كلوا ذئاب ومصايب ربنا اشوفنا سااااااااااي والله
بالجد تسمعي وتشوفي حاجات تمسح الرأس دي انا بعتبوا ولا حاجه من اللي شوفته وسمعته
بس.. طبعا ناس الاكاديميه ديل همهم من وين القروش وحريقه في اللي بيحصل
لكن لو كل عواليق من الشباب ديل خاف على اخته تقع في موقع
زي دا ما كان عمل كدا .......

تحياتي الجعلي

اقتباس :: وقالوا القروش بتغير النفوس بنات الليله من وين بس اجيبوا القروش وبكل طريقه عايزاها ..

الحمد لله الذي عافاني مما ابتلاهم به

لكن بالجد الزمن اتغير شدييييييييييد pale

اقتباس :: خلي بالك من نفسك

ان شاء الله
Smile

وانت زاتك خلي بالك من نفسك Embarassed